Lavthavati Vikrala

लवथवती विक्राळा ब्रह्मांडी माळा।विषें कंठ काळा त्रिनेत्री ज्वाळा।लावण्यसुंदर मस्तकीं बाळा।तेथुनियां जळ निर्मळ वाहे झुळझुळा ॥१॥

जय देव जय देव जय श्रीशंकरा।आरती ओवाळूं तुज कर्पूरगौरा॥धृ ॥

कर्पूरगौरा भोळा नयनीं विशाळा।अर्धांगी पार्वती सुमनांच्या माळा।विभूतीचे उधळण शशिकांत नीळा।ऐसा शंकर शोभे उमावेल्हाळा ॥२॥

देवीं दैत्यीं सागरमंथन पै केले।त्यामाजी अवचित हळाहळ उठिले।ते त्वा असुरपणे प्राशन केले।नीलकंठ नाम प्रसिद्ध झाले ॥३॥

व्याघ्रांबर फणिवरधर सुंदर मदनारी।पंचानन मनमोहन मुनिजनसुखकारी।शतकोटींचे बीज वाचे उच्चारी।रुद्रकुळींक रामदासा अंतरी ॥४॥