Margabandhu Stotram
मार्गबन्धुस्तोत्रम्
Appayya Dikshita’s hymn to Shiva as companion on every journey.
Dedicated toLord Shivaशम्भो महादेव देव शिव शम्भो महादेव देवेश शम्भो ।फालावनम्रकिरीटं भालनेत्रार्चिषा दग्धपञ्चेषुकीटम् ।शूलाहतारातिकूटं शुद्धमर्धेन्दुचूडं भजे मार्गबन्धुम् ॥१॥
शम्भो महादेव देव शिव शम्भो महादेव देवेश शम्भो ।अङ्गे विराजद्भुजङ्गमभ्रगङ्गातरङ्गाभिरामोत्तमाङ्गम् ।ओङ्कारवाटीकुरङ्गं सिद्धसंसेविताङ्घ्रिं भजे मार्गबन्धुम् ॥२॥
शम्भो महादेव देव शिव शम्भो महादेव देवेश शम्भो ।नित्यं चिदानन्दरूपं निह्नुताशेषलोकेशवैरिप्रतापम् ।कार्तस्वरागेन्द्रचापं कृत्तिवासं भजे दिव्यसन्मार्गबन्धुम् ॥३॥
शम्भो महादेव देव शिव शम्भो महादेव देवेश शम्भो ।कन्दर्पदर्पघ्नमीशं कालकण्ठं महेशं महाव्योमकेशम् ।कुन्दाभदन्तं सुरेशं कोटिसूर्यप्रकाशं भजे मार्गबन्धुम् ॥४॥
शम्भो महादेव देव शिव शम्भो महादेव देवेश शम्भो ।मन्दारभूतेरुदारं मन्थरागेन्द्रसारं महागौर्यदूरम् ।सिन्धूरदूरप्रचारं सिन्धुराजातिधीरं भजे मार्गबन्धुम् ॥५॥
अप्पय्ययज्वेन्द्रगीतं स्तोत्रराजं पठेद्यस्तु भक्त्या प्रयाणे ।तस्यार्थसिद्धिं विधत्ते मार्गमध्येऽभयं चाशुतोषी महेशः ॥६॥
Related prayers
Shiva Manasa Puja ↗Dwadasha Jyotirlinga Stotram ↗Shiva Tandava Stotram ↗What does Margabandhu Stotram mean?
A complete 6-part source text with a separate English and Hindi explanatory meaning aligned to every displayed row.