विश्वेश्वराष्टकम्

गङ्गातरङ्गकमनीयजटाकलापं गौरनिरन्तरविभूषितवामभागम् ।नारायणप्रिय मनङ्गमदापहारं वाराणसीपुरपतिं भज विश्वनाथम् ॥ १

वाचामगोचरममेयगुणखरूपं वागीशविष्णुसुरसेक्तिपादपीठम् ।वामेन विग्रहभरेण कळत्रवन्तं वाराणसीपुरपतिं भज विश्वनाथम् ॥ २

रागादिदोषरहितं सुगुणानुरागं वैराग्यशान्तिनिलयं गिरिजासहायम् ।माधुर्यधैर्यनिलयं गरळाभिरामं वाराणसीपुरपतिं भज विश्वनाथम् ॥ ३

तेजोमयं सकलनिष्कळमद्वितीय- मानन्दकन्दमपराजितमप्रमेयम् ।नानात्मकं सगुणनिर्गुणमादिदेवं वाराणसीपुरपतिं भज विश्वनाथम् ॥ ४

भूताधिपं भुजगपुङ्गवभूषिताङ्गं व्याघ्राजिनाम्बरधरं जटिलं त्रिनेत्रम् ।पाशाङ्कुशाभयवरप्रदशूलपाणिं वाराणसीपुरपतिं भज विश्वनाथम् ॥ ५

आशां विहाय परिहृत्य परस्वनिन्दां पापे रतिञ्च विनिवार्य मनस्समाधौ ।आधारहृत्कमलमध्यगतं परेशं वाराणसीपुरपतिं भज विश्वनाथम् ॥ ६

शीतांशुशोभितकिरीटविराजमानं फालेक्षणानलविनाशितपञ्चबाणम् ।नागाधिपारचितभासुरकर्णपूरं वाराणसीपुरपतिं भज विश्वनाथम् ॥ ७

पश्चाननं दुरितमत्तमतङ्गजानां नागान्तकं दनुजपुङ्गवपन्नगानाम् ।दावानलं मरणशोकभयाटवीनां वाराणसीपुरपतिं भज विश्वनाथम् ॥ ८

वाराणसीपुरपतेः परमेश्वरस्य व्याघ्रोक्तमष्टकमिदं पठते मनुष्यः ।विद्याश्श्रियं विपुलसौख्यमनन्तकीर्तिं सम्प्राप्य देहविलये लभते च मोक्षम् ॥ ९ ॥