ॐ जय गङ्गाधर

ॐ जय गङ्गाधर जय हर जय गिरिजाधीश। त्वं मां पालय नित्यं कृपया जगदीश॥ ॐ हर हर हर महादेव॥

कैलासे गिरिशिखरे कल्पद्रुमविपिने। गुञ्जति मधुकरपुञ्जे कुञ्जवने गहने॥ कोकिलकूजिते खेलति हंसावनललिता। रचयति कलाकलापं नृत्यति मुदसहिता॥ ॐ हर हर हर महादेव॥

तस्मिन् ललितसुदेशे शाला मणिरचिता। तन्मध्ये हरनिकटे गौरी मुदसहिता॥ क्रीडां रचयति भूषारञ्जितनिजमीशम्। इन्द्रादिकसुराः सेवन्ते नमयन्ति शीशम्॥ ॐ हर हर हर महादेव॥

विबुधवधूर्बहुनृत्यति हृदये मुदसहिता। किन्नरगायनं कुरुते सप्तस्वरसहिता॥ धिनकत थै थै धिनकत मृदङ्गं वादयते। क्वण क्वण ललिता वेणुं मधुरं नादयते॥ ॐ हर हर हर महादेव॥

रुण रुण चरणे रचयति नूपुरमुज्ज्वलितम्। चक्रावर्ते भ्रमयति कुरुते तां धिक् ताम्॥ तां तां लुप् चुप् तां तां डमरुं वादयते। अङ्गुष्ठाङ्गुलिनादं लासकतां कुरुते॥ ॐ हर हर हर महादेव॥

कर्पूरद्युतिगौरं पञ्चाननसहितम्। त्रिनयनशशिधरमौलिं विषधरकण्ठयुतम्॥ सुन्दरजटाकलापं पावकयुतभालम्। डमरुत्रिशूलपिनाकं करधृतनृकपालम्॥ ॐ हर हर हर महादेव॥

मुण्डै रचयति मालां पन्नगमुपवीतम्। वामविभागे गिरिजारूपमतिललितम्॥ सुन्दरसकलशरीरे कृतभस्माभरणम्। इति वृषभध्वजरूपं तापत्रयहरणम्॥ ॐ हर हर हर महादेव॥

शङ्खनिनादं कृत्वा झल्लरीं नादयते। नीराजयते ब्रह्मा वेदऋचां पठते॥ अतिमृदुचरणसरोजं हृत्कमले धृत्वा। अवलोकयति महेशमीशमभिनत्वा॥ ॐ हर हर हर महादेव॥

ध्यानमारतिसमये हृदयेऽति कृत्वा। रामस्त्रिजटानाथमीशमभिनत्वा॥ सङ्गतिमेवं प्रतिदिनं पठनं यः कुरुते। शिवसायुज्यं गच्छति भक्त्या यः शृणुते॥ ॐ हर हर हर महादेव॥