मणिकर्णिकाष्टकम्

आनन्दकाननमिदं सुखदं पुरैव तत्रापि चक्रसरसि मणिकर्णिकाथ । स्वःसिन्धुसङ्गतिरथो परमास्पदं च विश्वेशितुः किमिह तन्न विमुक्तये यत् ॥१॥

गर्जन्ति सर्वतीर्थानि स्वस्वधिष्ठ्यगतान्यहो । मणिकर्णिकया सार्धं कस्य न स्यात्समागमः ॥२॥

यत्र स्नात्वा नरः पापैर्मुच्यते जन्मकोटिजैः । तां नमामि मणिकर्णीं विश्वनाथपदाश्रिताम् ॥३॥

काशीक्षेत्रे मणिकर्णी मुक्तिदा सर्वदेहिनाम् । शिवस्य चरणाम्भोजे नित्यं मे रमतां मनः ॥४॥