श्रीकृष्णाष्टकम्
Krishnashtakam (Vasudeva Sutam Devam)
The popular eight-verse Krishna hymn beginning Vasudeva Sutam Devam, followed by its traditional phalashruti.
Dedicated toकृष्णःवसुदेवसुतं देवं कंसचाणूरमर्दनम् ।देवकीपरमानन्दं कृष्णं वन्दे जगद्गुरुम् ॥१॥
अतसीपुष्पसङ्काशं हारनूपुरशोभितम् ।रत्नकङ्कणकेयूरं कृष्णं वन्दे जगद्गुरुम् ॥२॥
कुटिलालकसंयुक्तं पूर्णचन्द्रनिभाननम् ।विलसत्कुण्डलधरं देवं कृष्णं वन्दे जगद्गुरुम् ॥३॥
मन्दारगन्धसंयुक्तं चारुहासं चतुर्भुजम् ।बर्हिपिञ्छावचूडाङ्गं कृष्णं वन्दे जगद्गुरुम् ॥४॥
उत्फुल्लपद्मपत्राक्षं नीलजीमूतसन्निभम् ।यादवानां शिरोरत्नं कृष्णं वन्दे जगद्गुरुम् ॥५॥
रुक्मिणीकेलिसंयुक्तं पीताम्बरसुशोभितम् ।अवाप्ततुलसीगन्धं कृष्णं वन्दे जगद्गुरुम् ॥६॥
गोपिकानां कुचद्वन्द्वकुङ्कुमाङ्कितवक्षसम् ।श्रीनिकेतं महेष्वासं कृष्णं वन्दे जगद्गुरुम् ॥७॥
श्रीवत्साङ्कं महोरस्कं वनमालाविराजितम् ।शङ्खचक्रधरं देवं कृष्णं वन्दे जगद्गुरुम् ॥८॥
कृष्णाष्टकमिदं पुण्यं प्रातरुत्थाय यः पठेत् ।कोटिजन्मकृतं पापं स्मरणेन विनश्यति ॥फलश्रुतिः ॥
Sanskrit Wikisource — Shri Krishnashtakam
Underlying traditional work is public domain; Wikisource transcription is available under CC BY-SA
All eight verses and the phalashruti were checked against the cited edition; sandhi, spacing and punctuation were normalized without changing the recension.
Meaning & context
Each verse ends by bowing to Krishna as Jagadguru, moving through his birth, beauty, relationships, Yadava identity and Vishnu emblems before the traditional closing verse on morning remembrance.