दक्षिणकालिकाकवचम्
Dakshina Kali Kavach — Protective Verses
Ten traditional verses placing names of Kali and the Matrikas around the body as devotional protection.
Dedicated toकालीकालिका जगतां माता शोकदुःखविनाशिनी।विशेषतः कलियुगे महापातकहारिणी ॥४॥
काली मे पुरतः पातु पृष्ठतश्च कपालिनी।कुल्ला मे दक्षिणे पातु कुरुकुल्ला तथोत्तरे ॥५॥
विरोधिनी शिरः पातु विप्रचित्ता तु चक्षुषी।उग्रा मे नासिकां पातु कर्णौ चोग्रप्रभा मता ॥६॥
वदनं पातु मे दीप्ता नीला च चिबुकं सदा।घना ग्रीवां सदा पातु बलाका बाहुयुग्मकम् ॥७॥
मात्रा पातु करद्वन्द्वं वक्षो मुद्रा सदावतु।मिता पातु स्तनद्वन्द्वं योनिमण्डलदेवता ॥८॥
ब्राह्मी मे जठरं पातु नाभिं नारायणी तथा।ऊरु माहेश्वरी नित्यं चामुण्डा पातु लिङ्गकम् ॥९॥
कौमारी च कटीं पातु तथैव जानुयुग्मकम्।अपराजिता च पादौ मे वाराही पातु चाङ्गुलीन् ॥१०॥
सन्धिस्थानं नारसिंही पत्रस्था देवतावतु।रक्षाहीनन्तु यत्स्थानं वर्जितं कवचेन तु ॥११॥
तत्सर्वं रक्ष मे देवि कालिके घोरदक्षिणे।ऊर्ध्वमधस्तथा दिक्षु पातु देवी स्वयं वपुः ॥१२॥
हिंस्रेभ्यः सर्वदा पातु साधकञ्च जलाधिकात्।दक्षिणाकालिका देवी व्यापकत्वे सदावतु ॥१३॥
Government Oriental Manuscripts Library catalogue and public-domain Kali Kavach recension
Traditional public-domain text; Government manuscript catalogue cited for the recension record
The catalogue records a Devanagari Kalikakavacham manuscript. Verses 4–13 were independently compared across public-domain transcriptions; later efficacy claims are omitted.