Vaidyanatha Ashtakam
वैद्यनाथाष्टकम्
Nine verses to Shiva as compassionate divine physician.
Dedicated toLord Shivaश्रीरामसौमित्रिजटायुवेद षडाननादित्यकुजार्चिताय ।श्रीनीलकण्ठाय दयामयाय श्रीवैद्यनाथाय नमः शिवाय ॥१॥
गङ्गाप्रवाहेन्दुजटाधराय त्रिलोचनाय स्मरकालहन्त्रे ।समस्तदेवैरभिपूजिताय श्रीवैद्यनाथाय नमः शिवाय ॥२॥
भक्तप्रियाय त्रिपुरान्तकाय पिनाकिने दुष्टहराय नित्यम् ।प्रत्यक्षलीलाय मनुष्यलोके श्रीवैद्यनाथाय नमः शिवाय ॥३॥
प्रभूतवातादिसमस्तरोगप्रणाशकर्त्रे मुनिवन्दिताय ।प्रभाकरेन्द्वग्निविलोचनाय श्रीवैद्यनाथाय नमः शिवाय ॥४॥
वाक्श्रोत्रनेत्राङ्घ्रिविहीनजन्तोर्वाक्श्रोत्रनेत्राङ्घ्रिसुखप्रदाय ।कुष्ठादिसर्वोन्नतरोगहन्त्रे श्रीवैद्यनाथाय नमः शिवाय ॥५॥
वेदान्तवेद्याय जगन्मयाय योगीश्वरध्येयपदाम्बुजाय ।त्रिमूर्तिरूपाय सहस्रनाम्ने श्रीवैद्यनाथाय नमः शिवाय ॥६॥
स्वतीर्थमृद्भस्मभृताङ्गभाजां पिशाचदुःखार्तिभयापहाय ।आत्मस्वरूपाय शरीरभाजां श्रीवैद्यनाथाय नमः शिवाय ॥७॥
श्रीनीलकण्ठाय वृषध्वजाय स्रग्गन्धभस्माद्यभिशोभिताय ।सुपुत्रदारादिसुभाग्यदाय श्रीवैद्यनाथाय नमः शिवाय ॥८॥
बालाम्बिकेश वैद्येश भवरोगहरेति च ।जपेन्नामत्रयं नित्यं महारोगनिवारणम् ॥९॥
Related prayers
Lingashtakam ↗Ardhanarishvara Ashtakam ↗Rudrashtakam ↗What does Vaidyanatha Ashtakam mean?
A complete 9-part source text with a separate English and Hindi explanatory meaning aligned to every displayed row.