Kakaradi Kali Shatanama Stotram
ककारादि काली शतनाम स्तोत्रम् · ककारादिकालीशतनामस्तोत्रम्
The name-verses of a traditional Kali hundred-name hymn, arranged through names beginning with the Sanskrit letter ka.
Dedicated toMaa Kaliकरालवदना काली कामिनी कमला कला।क्रियावती कोटराक्षी कामाक्ष्या कामसुन्दरी ॥७॥
कपाला च कराला च काली कात्यायनी कुहुः।कङ्काला कालदमना करुणा कमलार्चिता ॥८॥
कादम्बरी कालहरा कौतुकी कारणप्रिया।कृष्णा कृष्णप्रिया कृष्णपूजिता कृष्णवल्लभा ॥९॥
कृष्णापराजिता कृष्णप्रिया च कृष्णरूपिणी।कालिका कालरात्रीश्च कुलजा कुलपण्डिता ॥१०॥
कुलधर्मप्रिया कामा काम्यकर्मविभूषिता।कुलप्रिया कुलरता कुलीनपरिपूजिता ॥११॥
कुलज्ञा कमलापूज्या कैलासनगभूषिता।कूटजा केशिनी काम्या कामदा कामपण्डिता ॥१२॥
करालास्या च कन्दर्पकामिनी रूपशोभिता।कोलम्बका कोलरता केशिनी केशभूषिता ॥१३॥
केशवस्य प्रिया काशा काश्मीरा केशवार्चिता।कामेश्वरी कामरूपा कामदानविभूषिता ॥१४॥
कालहन्त्री कूर्ममांसप्रिया कूर्मादिपूजिता।कोलिनी करकाकारा करकर्मनिषेविणी ॥१५॥
कटकेश्वरमध्यस्था कटकी कटकार्चिता।कटप्रिया कटरता कटकर्मनिषेविणी ॥१६॥
कुमारीपूजनरता कुमारीगणसेविता।कुलाचारप्रिया कौलप्रिया कौलनिषेविणी ॥१७॥
कुलीना कुलधर्मज्ञा कुलभीतिविमर्दिनी।कालधर्मप्रिया काम्या नित्या कामस्वरूपिणी ॥१८॥
कामरूपा कामहरा काममन्दिरपूजिता।कामागारस्वरूपा च कालाख्या कालभूषिता ॥१९॥
क्रियाभक्तिरता काम्यानाञ्चैव कामदायिनी।कोलपुष्पाम्बरा कोला निकोला कालहान्तरा ॥२०॥
कौषिकी केतकी कुन्ती कुन्तलादिविभूषिता।इत्येवं शृणु चार्वङ्गि रहस्यं सर्वमङ्गलम् ॥२१॥
Sanskrit Wikisource — Kakaradi Kali Shatanama Stotram
Traditional public-domain hymn; cited Wikisource transcription is CC BY-SA
Verses 7–21 contain the name hymn. The long introduction and benefit section are omitted.