श्री गंगा चालीसा

जय जय जय जग पावनी, जयति देवसरि गंग।जय शिव जटा निवासिनी, अनुपम तुंग तरंग ॥

जय जग जननि अघ खानी।आनन्द करनि गंग महरानी ॥

जय भागीरथि सुरसरि माता।कलिमल मूल दलनि विखयाता ॥

जय जय जय हनु सुता अघ अननी।भीषम की माता जग जननी ॥

धवल कमल दल मम तनु साजे।लखि शत शरद चन्द्र छवि लाजे ॥

वाहन मकर विमल शुचि सोहै।अमिय कलश कर लखि मन मोहै ॥

जडित रत्न कंचन आभूषण।हिय मणि हार हरणितम दूषण ॥

जग पावनि त्रय ताप नसावनि।तरल तरंग तंग मन भावनि ॥

जो गणपति अति पूज्य प्रधाना।तिहुं ते प्रथम गंग अस्नाना ॥

ब्रह्म कमण्डल वासिनी देवी।श्री प्रभु पद पंकज सुख सेवी ॥

साठि सहत्र सगर सुत तारयो।गंगा सागर तीरथ धारयो ॥

अगम तरंग उठयो मन भावन।लखि तीरथ हरिद्वार सुहावन ॥

तीरथ राज प्रयाग अक्षैवट।धरयौ मातु पुनि काशी करवट ॥

धनि धनि सुरसरि स्वर्ग की सीढ़ी।तारणि अमित पितृ पद पीढी ॥

भागीरथ तप कियो अपारा।दियो ब्रह्म तब सुरसरि धारा ॥

जब जग जननी चल्यो लहराई।शंभु जटा महं रह्यो समाई ॥

वर्ष पर्यन्त गंग महरानी।रहीं शंभु के जटा भुलानी ॥

मुनि भागीरथ शंभुहिं ध्यायो।तब इक बूंद जटा से पायो ॥

ताते मातु भई त्रय धारा।मृत्यु लोक नभ अरु पातारा ॥

गई पाताल प्रभावति नामा।मन्दाकिनी गई गगन ललामा ॥

मृत्यु लोक जाह्नवी सुहावनि।कलिमल हरणि अगम जग पावनि ॥

धनि मइया तव महिमा भारी।धर्म धुरि कलि कलुष कुठारी ॥

मातु प्रभावति धनि मन्दाकिनी।धनि सुरसरित सकल भयनासिनी ॥

पान करत निर्मल गंगाजल।पावत मन इच्छित अनन्त फल ॥

पूरब जन्म पुण्य जब जागत।तबहिं ध्यान गंगा महं लागत ॥

जई पगु सुरसरि हेतु उठावहिं।तइ जगि अश्वमेध फल पावहिं ॥

महा पतित जिन काहु न तारे।तिन तारे इक नाम तिहारे ॥

शत योजनहू से जो ध्यावहिं।निश्चय विष्णु लोक पद पावहिं ॥

नाम भजत अगणित अघ नाशै।विमल ज्ञान बल बुद्धि प्रकाशै ॥

जिमि धन मूल धर्म अरु दाना।धर्म मूल गंगाजल पाना ॥

तव गुण गुणन करत सुख भाजत।गृह गृह सम्पत्ति सुमति विराजत ॥

गंगहिं नेम सहित निज ध्यावत।दुर्जनहूं सज्जन पद पावत ॥

बुद्धिहीन विद्या बल पावै।रोगी रोग मुक्त ह्वै जावै ॥

गंगा गंगा जो नर कहहीं।भूखे नंगे कबहूं न रहहीं ॥

निकसत की मुख गंगा माई।श्रवण दाबि यम चलहिं पराई ॥

महां अधिन अधमन कहं तारें।भए नर्क के बन्द किवारे ॥

जो नर जपै गंग शत नामा।सकल सिद्ध पूरण ह्वै कामा ॥

सब सुख भोग परम पद पावहिं।आवागमन रहित ह्वै जावहिं ॥

धनि मइया सुरसरि सुखदैनी।धनि धनि तीरथ राज त्रिवेणी ॥

ककरा ग्राम ऋषि दुर्वासा।सुन्दरदास गंगा कर दासा ॥

जो यह पढ़ै गंगा चालीसा।मिलै भक्ति अविरल वागीसा ॥

नित नव सुख सम्पत्ति लहैं, धरैं गंग का ध्यान।अन्त समय सुरपुर बसै, सादर बैठि विमान ॥

सम्वत् भुज नभ दिशि, राम जन्म दिन चैत्र।पूण चालीसा कियो, हरि भक्तन हित नैत्र ॥