Saraswati Pada Stotram — Eight Praise Verses
सरस्वती पाद स्तोत्र — आठ स्तुति श्लोक · सरस्वतिपादस्तोत्रम्
Eight traditional verses bowing to Saraswati's feet as a refuge for discernment, learning and freedom from fear.
Dedicated toMaa Saraswatiरविरुद्रपितामहविष्णुनुतं हरिचन्दनकुङ्कुमपङ्कयुतम्।मुनिवृन्दगजेन्द्रसमानयुतं तव नौमि सरस्वति पादयुगम् ॥१॥
शशिशुद्धसुधाहिमधामयुतं शरदम्बरबिम्बसमानकरम्।बहुरत्नमनोहरकान्तियुतं तव नौमि सरस्वति पादयुगम् ॥२॥
कनकाब्जविभूषितभूतिभवं भवभावविभाषितभिन्नपदम्।प्रभुचित्तसमाहितसाधुपदं तव नौमि सरस्वति पादयुगम् ॥३॥
भवसागरमज्जनभीतिनुतं प्रतिपादितसन्ततिकारमिदम्।विमलादिकशुद्धविशुद्धपदं तव नौमि सरस्वति पादयुगम् ॥४॥
मतिहीनजनाश्रयपादमिदं सकलागमभाषितभिन्नपदम्।परिपूरितविश्वमनेकभवं तव नौमि सरस्वति पादयुगम् ॥५॥
परिपूर्णमनोरथधामनिधिं परमार्थविचारविवेकनिधिम्।सुरयोषितसेवितपादतलं तव नौमि सरस्वति पादयुगम् ॥६॥
सुरमौलिमणिद्युतिशुभ्रकरं विषयादिमहाभयवर्णहरम्।निजकान्तिविलेपितचन्द्रशिवं तव नौमि सरस्वति पादयुगम् ॥७॥
गुणनैककुलस्थितिभीतपदं गुणगौरवगर्वितसत्यपदम्।कमलोदरकोमलपादतलं तव नौमि सरस्वति पादयुगम् ॥८॥
Source: Sanskrit Wikisource — Saraswati Stotram ↗
Edition, rights and editorial notes
Traditional Sanskrit Saraswati stotra
Traditional public-domain hymn; cited Wikisource transcription is CC BY-SA
The eight praise verses are included; the two later benefit verses on the source page are omitted.
How BhajanDhara prepares texts and meanings · Suggest a correction
Related prayers
Saraswati Vandana — Ya Kundendu ↗Saraswati Stotram ↗Saraswati Sukta — Rigveda 6.61 ↗What does Saraswati Pada Stotram — Eight Praise Verses mean?
Each verse returns to the act of bowing at Saraswati's feet. The poem uses moonlight, lotus, jewels and purity as devotional images for refuge, discernment and the search for higher truth.