Aarti Karu Tuj Gajanana

आरती करू तुज गजानना।देवा माझा नमस्कार घ्यावा रे॥धृ ॥

शंभूनंदना जयसुखसदना।रिद्धी सिद्धी पती रमणा रे।ब्रह्मा विष्णू ध्यानी निरंतर।आवड करुनी तव चरणा रे ॥१॥

मुकुट कुंडले हार विराजित।छत्र चामरे झळकती रे।सुंदर वरुनी सोंडची बरवी।दुर्वांकुर बहु प्रीती रे ॥२॥

अग्रपूजेचा तू अधिकारी।गौरीहराच्या तनया रे।पार्वतीचे स्तनपान कराया।उदरी विष्णू आला रे ॥३॥

भावलोचना भवभयहरणा।सुहास्य मूषकवाहना रे।वरदहस्त तू कृपा जयाचा।राज गजानन घ्यावा रे ॥४॥